La me pinita pi li furisteri
amiricani, tedeschi, francisi
è beautiful, wunderbar, merveilleuse ;
puru pi li turisti italiani
la me pinita è un paradisu virdi,
milli antichi culonni la sustegnunu,
e supra, comu un ciumi maistusu,
scurri lu ventu; all'ampruvisu sciodda,
si sprufunna ngruppatu nta na 'ula
tra sciara e sciara, bugghi, isa, si sciogghi,
mpauritu, a dda banna la finàita
longa, tra terra e celu, nta lu cantu
sdisulatu d'un corvu sularinu.

... (continua)